محطة مصر
كل ما ازور محطة مصر بحّس بالآتي:
- القذارة
- ان مفيش مدينة في مصر غير القاهرة
- ان أنا في مصنع مواتير من صوت القطارات
- الكآبة
- ان أنا هتضرب على قفايا من موظفين شباك التذاكر الحرامية
- بالأصالة في تمسكنا بالـ DOS في نظام حجز التذاكر
- ان اننا شعب جلياط في التعامل مع بعضه
- ريحة الحمام تقرف مع انه بربع جنيه
- لازم يحصل ثورة
- فيلم في شقة مصر الجديدة
- التراب
- القاهرة متحاصرة بالكباري
- فيه حد هيسرق الشنطة من على ضهري ويهرب
- ان أنا لازم اشتري عربية
- الراجل ابو دقن حمرا في الشباك هيقطعلي تذكرة في مكان زبالة
- المصريين محتاجين Orientation
- التمانينات
- الأجانب دول ولاد جزمة عشان يركبوا القطر
- فيلم بطل من ورق
- أحاول اجرب الحجز من النت تاني مع أني عارف انها مش هتشتغل
- مصر مش بس حضر، لأ و ريف كمان
- المصريين اتبهدلوا قوي
- في فئة من الشعب المصري اسمها سواقين التاكسي يجب اعادة تأهيلها
- مفيش فايدة
- اللون البني و البني المزرّق
- كلمة من ثلاثة أحرف
